Jenny de Swardt is ‘n onderwyser. Hierdie spinasietert is ‘n wenner as ‘n groentegereg en sy bedien dit gereeld. Met baie kaas.
deur Jenny de Swardt
Bestanddele
• Blaardeeg
• 1 houer suurroom
• Bruin uie soppoeier
• Spinasie
• 1 ui (gekap)
• 1 houer maaskaas
• 3 eiers
• Kaas (soveel as wat jy van hou)
Metode:
• Vul 'n glasbak met die blaardeeg.
• Meng die suurroom en die soppoeier saam en laat staan.
• Kook spinasie, maak fyn en gooi die water af.
• Braai die uie en gooi by die spinasie.
• Gooi die groentemengsel by die suurroom, voeg die maaskaas en eier by en roer alles deurmekaar.
• Gooi in die bak en strooi die kaas bo-oor.
• Bak vir 45 minute teen 180 °C.
• Laat afkoel en bedien met 'n slaai of net so.
* Spek, sampioene en peppadews is opsionele bestanddele.
