Die kuns om huisvrou (tuisteskepper) te wees word deesdae by die dag moeiliker. Die meeste mense kla sommer maklik omdat die dinge by die werk “elke dag dieselfde ding” is – wees dankbaar mnr/mev – vir ‘n huisvrou wat voortdurend moet besin oor die gesin of kinders se maaltye bestaan daar nie so ‘n luuksheid nie. Ons ma’s moet deurentyd seker maak dat die gesin se etes interessant bly, dat dit smaaklik is, nie te duur is nie en laastens dat dit supergesond is – nie altyd ‘n maklike uitdaging nie nê? Mariana Paul van Rustenburg is ‘n bekende persoonlikheid in plaaslike kosmaakkringe. Sy’t egter sommer baie hooi op haar vurk en hoe sy vir alles tyd kry, wil ‘n mens dadelik laat kopkrap.
Mariana is nie net ‘n gereelde gas in Rustenburg Herald se weeklikse kosrmaakrubriek nie, sy is ook gaskunstenaar op 7de Laan waar sy die rol van Ubettina Wethu vertolk. Om kop bo water te hou, moet Mariana ‘n planmaker wees en planne het sy baie in haar kas. Vandeesweek – heerlike mini-herderspasteitjies wat sy op haar eie unieke manier voorberei. Kry die bestanddele gereed – jy is dalk nog betyds vir middagete!

Marnus van Dyk is nog nat agter die ore, maar hy is ‘n ou hand – en ‘n voorslag – in die kombuis; Enige ma se droom! Ja, Marnus kan ordentlike boerekos kook en tradisionele geregte voorberei dat dit lyk asof dit uit grootouma se resepteboek kom.
Maar die jong sjef hou ook baie daarvan om voor die stoof te eksperimenteer en nuwe tegnieke op die proef te stel.
Hierdie week deel Marnus met ons sy resep vir Chakalaka Papbolletjies.

Mens raak effens moeg vir die gewone ou goedjies voorberei. 

Boonop vertel jou kop jou mos ook dis tyd vir ietsie anders. Nou, daardie kere wanneer jy lus is vir iets, maar jy weet nie regtig vir wat nie, probeer rysballe. Dis nie moeilik om te maak nie, maar dis nou ook nie ‘n gereg wat jy binne minute aanmekaar gaan slaan nie.
As jy dus ‘n uur of so op hande het, en jy wil jou huismense – of gaste – regtig bederf, is hierdie lekkernye nét die happies om te berei en voor te sit.

Toe ek ‘n kind was, was daar nie so iets soos gekoopte brood in ons huis nie.
Daar was ‘n bottel met aartappelsuurdeeg in die yskas – wat soos goud opgepas is – en Donderdagaande is die knieskottel uitgehaal. Na daar deeglik geknie is, is die knieskottel omtrent soos ‘n baba in ‘n spesiale kombers toegedraai. ‘n Warmwatersak is onder die skottel gesit om te verseker dat die deeg behoorlik rys. In De Aar se koue winters het my ma boonop ‘n ‘kenfroetbottel’vol kokende water gegooi, ‘n holte in die middel van die deeg gemaak en die bottel daar ingesit – vir ekstra motiverende hitte. Maar met sjef Pieter Germishuys se broodresep in jou besit, is jou lewe maklik. En lekker. Dié deeg is ook baie veelsydig. Jy kan ‘n doodgewone brood bak wat jy saam met enigiets kan geniet. Wat is dan nou lekkerder as ‘n sny brood, warm uit die oond, saam met ‘n koppie sop? Die deeg is egter ook in die kol vir Stromboli-rolletjies wat jy as ‘n voorgereg kan bedien. Sit net roomkaas en Parmaham by - ‘n wenner! Nog een van sjef Pieter se idees is om die deeg plat te rol, sirkels uit te druk en dit dan op mekaar te stapel met roomkaas tussen in en buite-om. “Rol dit dan in fyn biltong en jy het ‘n voorgereg waarvan almal sal praat,” belowe Pieter.

“Nou wie se vingers eet die mense dan?” het ‘n seuntjie sy ma gevra toe hy hoor dat daar ‘n vingerete voorberei moet word. Ag ja, die kinderlike onskuld van ons kroos darem… Maar van vingers gepraat – wie van ons is nie gek oor ‘n heerlike vingerete nie – veral as dit aantreklik, geurig en smaaklik en in ‘n taamlike groot verskeidenheid aangebied word nie? Ons is die afgelope klompie weke só deur Rustenburg se bekende “koekietannie” lusgemaak vir “uiteet” dat ons dit nie langer kon hou nie. Rustenburg Herald se jongste “Raak die ‘klits kwyt” is in die kombuis van Martin en Rita Smit wat minstens die afgelope tien jaar al bekend is vir hul heerlike tuisgebak. Rita-hulle se “koekies” is loshande van die billikste in ons omgewing maar as jy dalk jou hand aan hierdie lekkernye wil waag, bak jy sommer jy eie. Rita-hulle deel twee van hul gewildste en maklike resepte met ons:  

As daar nou een gereg is wat ongetwyfeld in die meeste lande ter wêreld ‘n stapelvoedsel is (of minstens dan behoort te wees) is dit die immergewilde “oop- of toebroodjie”. Ons almal weet dat miljoene mense op Moeder Aarde elke dag van meel- en soortgelyke graansoorte vir hul oorlewing afhanklik is. ‘n Mens kan nie help om te wonder hoeveel van hierdie graansoorte uiteindelik in broodvorm op honderdduisende tafels voorgesit word nie…

‘n Mens hoor dikwels die uitdrukking: “As ek elke dag net brood (en darem ‘n ietsie daarby seker?) moet eet, sal jy my nooit hoor kla nie. Die skrywer hier sal hom maklik met dié belydenis vereenselwig. Ai – ‘n lekker broodjie is nou maar eenmaal nie te versmaai nie en val nie net in omtrent almal se smaak nie, maar pas boonop uitstekend by enigeen se sak. En moenie glo nie – brood kan ook ‘n baie gesonde happie wees – of jy nou net “brood” in die middel van jou toebroodjie het of gelukkig genoeg is om ‘n “begin-van-die-maand-toebroodjie” te kan bekostig.

In vandeesweek se uitgawe van “Raak die ‘klits’ kwyt” kuier ons saam met Janine Wille en haar ma Marelize en ons is eintlik werklik spyt dat ons hierdie kook nie reeds in verlede week se uitgawe gereed gehad het nie. Dink net hoe lekker sou Janine en Marelize se “Jalapeno Poppers” afgegaan het saam met die Bokke se kragmeting teen die Wallabies van die afgelope naweek. Die rede hoekom ons só sê is omdat baie mense dié heerlike lekkerny waarskynlik op die proef gaan stel met komende naweek se tweede wedstryd teen die gevreesde All Blacks en behalwe vir die Jalapanos se tintelende brandsmakie, is ons bevrees die Bokke se kanse vir ‘n oorwinning teen Nieu-Seeland sal gewis vir ‘n bitterige smaak in die mond sorg. Maar laat daar geen twyfel bestaan oor die vars, krakerige effense brandsmaak van ma en dogter se Japapeno Poppers nie – ons sal dit beslis aanbeveel – of ons nou aan die wen- of verloorkant is.

Met die nuwe jaar wat nou al ‘n maand oud is en dosyne kinders wat vir die eerste keer moet skool toe en ander wat moet hoërskool toe, sukkel baie mammas seker nou nog om behoorlik tot verhaal te kom nadat die meeste van ons met die lekker leeglê-dae van die Desember-skoolvakansie gekondisioneer geraak het. Dit is regoor die wêreld ‘n bekende uitdrukking dat ‘n ma se werk nooit klaar is nie – laat gaan slaap om seker te maak dat Jan en San se huiswerk klaar is en vroeg uit die vere sodat daar ietsie lekkers vir die kroos saam skool toe ingepak kan word. En so veeleisend soos die wêreld deesdae is, is die dae van “gewone ou skoolbroodjies” vir baie van ons lankal verby – nee, vandag se kinders moet behoorlike kos kry dat die dag nie te lank word nie. Vir mammas wat nie altyd weet hoe om die pas vol te hou nie, is Mariëtte Venter in Rustenburg net die oplossing. Mariëtte is ‘n dametjie met ‘n deeglike agtergrond in die restaurantwese, van die Spur-groep tot Milaneza in die Mall. Mariëtte is as’t ware ‘n voedingskundige wat die kunsies van kalorieë ens, ens lankal agter die blad het. As Mariëtte dus vir Boet ‘n kosblik gepak het, kan jy maar weet Boeta se fut sal soos die bekende Duracell-haas nie sommer opraak nie en ja, jy kan op bestelling elke dag vir Boet of Sus ‘n kospakkie inpak wat hom of haar met groot verwagting na groot en klein-speeltyd sal laat uitsien.

Chicken burgers

In Rustenburg like most of the country nowadays, sport and training is high on everyone's agenda. Especially during the summer months. With this in mind, Rustenburg Herald collaborated with Susna Spies - well-known dietician and committee member of Rustenburg Cycling not to mention, an excellent cyclist herself. In a mini series of three articles starting this week, Susna proposes healthy and nutritious meals that you can prepare in your own kitchen.
With summer just around the corner, it’s time to put the soup-pots aside and bring out the light summery foods. Easier said than done, right? Time isn’t always on your side and often the convenience of ready-made-meals makes life much easier. But what about bringing that convenience into your kitchen: with ready-made meals in the freezer? Chicken mince is available at selected butcheries and food stores. It is an excellent source of protein, vitamins and minerals and assists in lowering blood pressure, cholesterol and cancer risk - the ideal meat to use for a healthy family meal.

Well well, there you have it after the first clash between two big guns in this year’s 2019 World Cup Rugby tournament in Japan. As almost all of us will agree, with all the excitement of perhaps another World Cup victory looming, one almost constantly craves for a bite to nibble on while we’re following the action on TV.
For the next two weeks, we will help you not only to eat well during all your favourite matches, but also to eat very healthy. To help us with this, we have knocked on the doors of the Rustenburg branch of Cansa where a lifestyle of healthy eating is encouraged wholeheartedly. To kick off our first week of eating healthy, Estie Heese and her team at Cansa have demonstrated how to prepare a wonderful hummus with natural oil and fresh vegetables to snack away. Homemade hummus is super delicious and is on a completely different level to store-bought hummus. An awesomely healthy dip, you don’t have to feel guilty about eating perhaps more than you should!

In die gejaagde wêreld waarin ons vandag leef, maak dit tog net sin dat groot etes by kleiner, minder formele gesellighede by die dag besig is om ‘n skaarser gewoonte te word en dat benewens die tyd- en koste-faktor – dit seker maar goed is om net ‘n vinnig happie of wat te eet wanneer ‘n mens eintlik meestal met werk of ander belangstellings besig is. In elk geval, vir die meeste mense is daar nie ‘n verskoning nodig om liewer die groot, swaarder borde kos vir ‘n verandering opsy te skuif en wanneer die geleentheid reg is en jy dalk ook met ‘n heerlike glasie wyn in die hand staan, aan ‘n “platter” met ‘n lekker groot wye verskydenheid “lekkernye” te peusel nie. Ons het al by ‘n geleentheid vroeër vir ons lesers ‘n platter voorgesit maar so met die nuus dat Clover (ja, die kaasmakers van faam) nou ook ‘n verspreidingspunt in Rustenburg het, het ons met Chantel Muller van Clover Rustenburg gekonkel om vir ons ‘n lekker “kaas-platter” voor te berei. (Terloops – meer besonderhede oor Clover se nuwe verspreidingstak in Rustenburg sal binnekort in die Herald verskyn – hou ons dop!) Chantel maak vir ons ‘n skinkbord met ‘n heerlike paar vingerhappies waarin kaas natuurlik ‘n belangrike rol speel. Een van die eerste happies op die “skinkbord” is pannekoekies:

Agri-Pulse-Vryburg – `n Geselligheid of twee saam met vriende en familie is nie dieselfde sonder heerlike peuselhappies en `n melkskommel of drankie nie.

Na Desember laat die nuwejaarsvoorneme almal besef dat dit `n nuwe geleentheid is om beter na jouself te kyk - en `n kilogram of twee te verloor.
Inwoners reg oor die Noordwes en Noord-Kaap het die tweede maand van 2019 met `n glimlag begroet, dankbaar om die ellelange  Januarie agter te laat.  
Die maand wys gesondheidsghoeroe, Angelique van Vreden, hoe jy `n verskeidenheid omelette kan maak.
Nie net is dit watertandlekker en boonop gesond nie, maar het jy nie baie bestanddele nodig om lekker te eet nie.
Die omelette kan in `n pan of in die mikrogolfoond voorberei word.
Gebruik `n omelet-tupperware- bak om die perfekte vorm te kry.