19
Sun, May

In voorverlede week se uitgawe het ons Susan Cilliers – verslaggewer van Netwerk24 en Beeld -  en haar ousus Melindi van Rooyen – albei inwoners van Potchefstroom, aan Rustenburgers bekend gestel toe hulle vir ons ‘n heerlike hoender- en groentegereg met aartappelgebak gemaak het. Wel Susan-hulle is vandeesweek weer aan die beurt met ‘n heerlike lemoenkoek wat nooit flop nie en enige tyd as nagereg kan dien. Susan se ma wat in die sewentigerjare gereeld by Hoërskool Fochville uitgehelp het, het die resep by die destydse onderhoof se vrou gekry. Susan se pa was self ‘n geskiedenisonderwyser by dié skool.

Read more …‘n HEERLIKE SOETKOEK WAT NOOIT FLOP NIE

As ‘n bloedjong nooi vir jou sê sy bak die lekkerste appeltert in die dorp kan jy dalk maar die voorkop se plooie in ‘n frons laat trek, maar as ‘n baie mooi bloedjong nooi vir jou sê sy bak haar ouma se gunsteling-appeltert en dat dié heel moontlik die lekkerste in die dorp is, sal jy wys wees om te vra hoe laat jy daar moet wees. So is dit nou maar, ons ouer-generasie vroue (ja, en selfs baie mans) weet maar net eenvoudig beter hoe dinge in die kombuis werk en wat hulle daar laat “verrys” is meestal ‘n treffer. Nouja, voorwaar is ons gelukkig vandeesweek met ‘n baie mooi bloedjong nooi en haar ouma wat ons genooi het om te kyk hoe die lekkerste appelterte in die dorp gebak word. Ons baasbakkers is Mikayla Stols en haar ouma, Leonie van Staden. In die familie is ouma Leonie bekend vir haar heerlike appeltert en wanneer die familie ‘n saamkuier-ete hou, word daar meestal nie gevra wat daar vir nagereg voorgesit moet word nie. So hier gaan ons – ouma Leonie en Mikayla maak dit so: 

Read more …OUMA SE APPEL(TERT) VAL NIE VER VAN DIE BOOM AF NIE

Pampoen laat jou hare krul. JP Myburg is ‘n joernalis in die Kaap en het op Stilfontein grootgeword. Hierdie resep het hy baie tannie Poppie van Kokkedoor-faam gegaps en dit is heerlik as ‘n bykos by ‘n Sondagmiddagete of selfs ‘n braai.

Heerlike pampoentert
Deur JP Myburg
(oorspronklik deur Tannie Poppie van Kokkedoor-faam)

Read more …HEERLIKE PAMPOENTERT

Elizabeth Ntaopane is a cook at an old age home in Klerksdorp. Sago pudding is her favourite dessert and also a favourite on the menu for the residents at the old age home. It is the perfect way to end of Sunday lunch on a sweet note.

SAGO PUDDING

By Elizabeth Ntaopane

Read more …SAGO PUDDING

In hierdie derde aflewering van ons “Zeerust-reeks” toe ons onlangs ‘n lekker wye draai in die bosveld gegooi het, kuier ons aan die tafel van Lulu Mulder. Ons was gelukkig dat Lulu vir ons iets gemaak het wat altyd omtrent eerste op almal se lippe is wanneer daar oor regtig-lekker poedings gepraat word. Sago-poeding natuurlik - en Lulu maak dit vir ons op die tradisionele manier wat sy by ouma Lettie geleer het. Sy noem dit uiteraad Ouma Lettie se Sago-poeding... Dit word so gemaak... 

Read more …SAGO-POEDING - DIE TRADISIONELE MANIER...

Diegene wat ons reeks “This is how I cook” met Rustenburg se eie MasterChef SA (Thys Hattingh) volg, sal seker weet dat Thys ‘n regte lekkerbek is met ‘n onversadigbare drang na poedings, roomyse en al wat soet is en dat Thys baie gepas binne die volgende klompie weke die klem van sy huidige reeks van warm soppe na warm poedings en roomyse gaan verskuif.

Tot dan sal diegene van ons wat elke af en toe vir ‘n lekker “soetding” lus het, ‘n bietjie verbeelding moet gebruik of alternatiewelik op die sukses-verhale en resepte soos Kook en Geniet en dergliks moet terugval. Met die winterkoue wat deesdae kort na sonsak begin geniepsig raak, was ons gelukkig om ‘n wenresep vir ‘n lekker warm sjokoladenagereg by twee pragtige sussies te kry.

Ja, baie manne sal sekerlik saamstem dat ‘n mens sommer vanself so ‘n warm gevoel hier binne by aanskoue van twee sulke mooie mense kry, maar vir ons dames en oumense, wel, hulle moet maar op die warm sjokolade staatmaak vir ‘n bietjie ekstra hitte. Dit poeding is elk geval nie te versmaai nie en smaak beslis vorentoe – dit is beslis handig om vir die yskoue wintersdae wat nog voorlê, byderhand te hou. Ons mooie susters - Joanie Weiss en Elizma Pieterse maak die warm sjokoladenagereg soos volg;

Read more …WARM SJOKOLADENAGEREG

Ons wonder of dit net ons is of is dit maar oor die algemeen so dat mense dink dat alles wat met kos, koek, tert, poeding of enige ander lekkerny (ook bederfies soos gemmerbier of allerlei vrugtesappe) te doen het, veel beter is op die platteland? Iemand het by geleentheid gesê dat almal in Suid-Afrika vandag se bloed op een of ander manier eers “deur die grond” geloop het. Wie van ons kan nie kinderdae of vakansies op oupa, ouma, oom of tante se plaas onthou nie? 
Maar dan wil ons sommer in dieselfde asem sê - nee, ons wil onder geen omstandighede aanstoot gee nie, ons dink die dames (en mans?) in die stede kan net so wonderlik in die kombuis woeker - of dit nou wors maak, biltong ophang, of enigiets is wat met ‘n mens se smaak te doen het. Maar synde die oorsprong van die VLU - Vroue-”landbou”-unie - is dit sekerlik hoegenaamd nie ‘n fout om te meen dat ons VLU-mense almal met minstens een streepsak vol plaasgeheime in ons kombuise of spense sit nie. Maar genoeg gepraat, kom ons vertel vir ons lesers van ons jongste ervaring op die platteland. Ons het ‘n week of wat gelede by die plaas van Kobus en Pietie Basson tussen Groot-Marico en Zeerust gaan inloer. Ja, in ons gewilde VLU-reeks kuier ons behoorlik wyd en ons dink darem nie dit is net Rustenburgse mense wat kan “kook” nie. Elk geval - tant Pietie het ons met ‘n wonderlike eetding met ‘n naam so eenvoudig soos “Kits Bruinpoeding” bederf - maar boeta - moenie ‘n fout maak nie... Vir ‘n “groot en fris” knaap van die plaas “soos ek” (sic) was een bordjie se proe beslis nie genoeg nie. Snaaks - selfs wederhelf Cecile het... (toemaar - laat ek liefs nie my mond verbypraat nie, anders ry ek volgende keer dalk alleen platteland toe (wat opsig self natuurlik nie ‘n slegte ding is nie...)

Read more …TANT PIETIE SE KITS-BRUINPOEDING

Kom ek wed jou - jy/julle het die afgelope wonderlike Paasnaweek die een of ander tyd in die geselskap van vriende en familie rondom ‘n braaivuur of etenstafel gesit en oor die goeie ou dae gesels - nie omdat die ou dae noodwendig so goed was nie - maar omdat dit wat ons geëet en gedrink het in die ou dae baie goedkoper as vandag was en ja, omdat ons loshande vandag nog die meeste hiervan eet en selfs gereeld aan ons kinders voorsit...
Aan die ander kant - dalk was jy die afgelope luilekker Paasnaweek een van daardie groepie minder bevoorregte mense wat nie langs braaivure of op die strand die skoene kon uitskop en baljaar nie maar die spreekwoordelike “wiele van die nywerheid” aan die rol moes hou. Dan verdien jy hierdie naweek ongetwyfeld ‘n blaaskansie... As daar niemand in die huis is wat hierdie baie eenvoudige (maar absoluut heerlike) tradisionele Suid-Afrikaanse poeding vir jou aanmekaar kan slaan nie, kan jy dit maklik self op die proef stel - die feit dat dit so “berug” lekker is - beteken nie noodwendig dat dit ingewikkeld is om te maak nie. Inteendeel - ons dink dit is eintlik baie maklik. 
Ons het by Marieta van der Westhuizen van Rustenburg-VLU se Mosaiëk-tak gaan aanklop - Marieta sê dit is een van haar gesin se gunsteling-nageregte... Marieta wys vir ons dat hierdie resep uit ‘n outydse kookbladjie getiteld “Uit ouma se kombuis” kom en vertel dat dit vir haar een van die lekkerste souskluitjieresepte ooit is. Boonop het sy nogal ‘n slag om dit te maak sodat dit nie net fantasties lyk nie, maar selfs nog beter smaak! (Marieta woel in die kombuis - roep kort-kort vir ‘n belangrike verduideliking terwyl ons ons verkyk aan die gesig van ‘n propvol Olifantsnekdam - Marieta en Willie bly op ‘n klein paradysie (“Uitvlug”) teen die Hoëveld-hange van die Magaliesberg). Outydse Souskluitjies (vir 6 persone)

Read more …SOUSKLUITJIES - ‘N SUID AFRIKAANSE LEKKERBEK-TRADISIE

TAMBUTI KOMBUIS - Op ‘n Suid-Afrikaanse feestafel is daar byna altyd een van twee staatmakers – malvapoeding of melktert. Maar verbeel jou jy kan sommer albei hê! Dit is presies wat Jolene Fourie dié week vir Tambuti Kombuis voorberei. Jolene, een van die Rustenburg Herald se vriendelike ontvangsdames, en haar seun Ricardo het doenig geraak in die kombuis en toe met dié treffer-tert te voorskyn gekom. Die Malvamelktertpoeding word in drie stappe gemaak – kom ons wys jou hoe:

MALVAPOEDING

Read more …SMUL AAN DIÉ DUBBEL-TRADISIE TERT
Page 1 of 3