Pampoen laat jou hare krul. JP Myburg is ‘n joernalis in die Kaap en het op Stilfontein grootgeword. Hierdie resep het hy baie tannie Poppie van Kokkedoor-faam gegaps en dit is heerlik as ‘n bykos by ‘n Sondagmiddagete of selfs ‘n braai.
Heerlike pampoentert
Deur JP Myburg
(oorspronklik deur Tannie Poppie van Kokkedoor-faam)
Bestanddele:
• 1 koppie suiker
• 5 tl koekmeel
• 1 tl sout
• 2ml fyn kaneel
• 55 ml ongesoute botter, gesmelt
• 3 koppies fyngemaakte, gaar pampoen
• 1 koppie room
• 3 eiers
Metode:
• Verhit oond tot 150°C.
• Sif droë bestanddele saam in 'n mengbak.
• Voeg res van bestanddele by en meng goed.
• Skep in gesmeerde tertbak en bak so ongeveer 90 minute.
• Ek strooi gewoonlik bietjie fyn kaneelsuiker oor die tert sodra hy warm uit die oond kom. Bedien dadelik.
