19
Sun, May

Ansie van der Westhuizen van Klerksdorp bak graag hierdie Marmite Tert vir ‘n teetafel of selfs as ‘n ligte ete saam met ‘n slaai. Dit is maklik om te maak en binne ‘n japtrap kan jy jou gaste bedien. Lekker soutsmaak met die marmite.

Read more …ANSIE SE MARMITE TERT

As jy ‘n oor-ryp piesang of twee het, dan bak jy piesangbrood. Gerda Duffy van Klerksdorp hou daarvan om haar gesin oor naweke met lekkernye te bederf. Hierdie piesangbrood is lekker soet en heerlik vir ‘n laatmiddag bederf.

Deur Gerda Duffy

Maklike Piesangbrood

Jy het nodig:
• 125 ml margarine

Read more …MAKLIKE PIESANGBROOD

Hier so teen die begin van Februarie is baie mense nog maar steeds versigtig vir enigiets wat soos lekker eetgoed of ‘n resep lyk – ja, die oordadigheid tydens die feesgety het veroorsaak dat baie van ons nou nog op dieet is.
Maar ‘n mens moet eet al is dit net klein en lig. Veral oor naweke is dit maklik om so ‘n bietjie op die kosmaak af te skeep en met ligter eetgoed oor die weg te kom.
Maar dit beteken nie dit moet verbeeldingloos of smaakloos wees nie. ‘n Ou gunsteling van ons – Mariana Paul – wys in hierdie uitgawe vir ons hoe om sommer baie gemaklik met die immergewilde botterbroodjies oor die weg te kom. Sy maak dit so: (Daar is twee weergawes vir die wat van ‘n groter verskeidenheid hou, of diegene wat alternatiewe bestanddele verkies).

Read more …TRADISIONELE BOTTERBROODJIES (SCONES)

Vra maar vir enigeen wat voorverlede week onder die bykans 100 000 besoekers by Nampo net buite Bothaville was, wat vir hom/haar die hoogtepunte was en jy sal vinnig hoor dat die reuse verskeidenheid kosstalletjies nogal hoog op die lys van gunstelinge was. Ja, dit is nogal opvallend hoe mense deesdae in Suid-Afrika al hoe meer neig na die "outydse" gunstelinge  - of dit nou kos, modes of motors is – die Engelse woord “retro” word deesdae dikwels ingespan om die styl van vervloeë dae te beskryf…

In Rustenburg het ons onlangs die Klein Karoo Kombuis van Gerrit en Riana La Grange raakgeloop. Hier is die “ouwêreldse” roosterkoek in verskeie gedaantes die hoofgereg op die spyskaart. Ons het gaan aansit en was verbaas oor die allermins “beskeie” grootte en die billikheid van die porsies en is uiteindelik met amper ‘n “sak vol” roosterkoeke daar weg.

Ons het vir Riana gevra of sy en haar span nie vir ons “raak die ‘klits’ kwyt” wil “kook” nie en dit is presies wat ons vandag vir die lesers opdis… (Ons moet byvoeg dat Klein Karoo Kombuis se roosterkoekresep ‘n goed-bewaarde “geheim” is – Riana ken egter ‘n rits roosterkoekresepte sommer so uit die vuis – hierdie een behoort groot byval te vind. Klein Karoo Kombuis maak dit so:

Read more …‘N “OUTYDSE” GUNSTELING…

As jy vandag vinnig na hierdie gereelde “kook” geblaai het om te sien wie die mense is wat vandag weer iets lekkers vir ons opdis, mag hierdie dalk vir jou ‘n aangename verrassing wees. Maar voor jy wegval en lees, blaai eers na die binneblaaie van hierdie uitgawe vir die interessante artikel oor Janneman Vorster en Rourk Gladwin se Pizza op Wiele! Dit behoort jou min of meer op hoogte van sake te bring sodat jy die kloutjie mooi by die oor kan bring as jy oor die resep of dergliks wonder….

Vir hierdie uitgawe van “Raak die klits kwyt” maak Janneman en Rourk van Pizza Boys vir ons seker die gewildste van alle pizzas – ja, ‘n egte Hawaiian Pizza soos dit oral in die wêreld in die volksmond bekend staan. En ja, ‘n man moenie in die pad staan nie – die Pizza Boys se konsep is inderdaad ‘n spanpoging…

Read more …PIZZA OP WIELE...

Nouja, na ‘n hele paar weke se heerlike kuier op die plaas, is ons vandeesweek met alle mag en mening terug in die stad. En ja, ‘n mens kan dit seker ‘n betonoerwoud noem as jy wil, hoewel baie nie sal saamstem dat Rustenburg regtig vir hierdie effe kwetsende beskrywing kwalifiseer nie.

Nee, “betonoerwoud” laat ‘n mens liewers dink aan plekke soos “Bobbejaansberg” hier anderkant die bult en nou hoop ons dat mense van daardie rantjies nie aanstoot neem nie. In elk geval, Rustenburgers is mos lief om te sê dat die hoë stadspoorte en besige snelweë nie daarin kon slaag om dié mooi dorpie met die pragtige bome van sy plattelandse atmosfeer te ontroof nie…

Maar terwyl ons plattelands verkeer beweeg ons terselfdertyd in ‘n kontinentale rigting met ‘n ontbythappie wat veral deur die Switsers gewild gemaak is. Ons sit aan tafel by Wiesenhof Rustenburg (by die “rooi boom” op die hoek van Beyers Naudé- en Brinkstraat) waar Chris en Petronella Vosloo en die Wiesenhofspan ons op ‘n Switserse Spek en Sampoenontbyt trakteer terwyl ons die “berugte” Wiesenhofkoffies een-na-die-ander afsluk.

Man, dit smaak vorentoe en is net die regte plek om vir ‘n vinnige maar smaaklike ontbyt in te loer voordat die rugby afskop. Ja, daar is kwalik ‘n beter dag as sommer nou eerskomende Saterdag wanneer die Bokke gaan probeer om teen Fiji beter te vaar – moet dit nie misloop nie – hierdie is ‘n wonderlike alternatief vir die tradisionele spek en eiers-ontbyt.

Read more …SWITSERSE SPEK EN SAMPIOENONTBYT

Hier by Rustenburg Herald se "Raak die 'klits' kwyt" was ons nog altyd erg oor tradisie. Trouens, ons huidige "seisoen" van kos- kook- of bak-artikels is juis in die etnies, kultureel/tradisionele kategorie. Basies beteken dit enigiets wat jy, jou vriendin, jou suster of jou ouma ooit gemaak het. 
Verlede week op 'n sopnat Donderdag toe dit vir die eerste keer hierdie seisoen werklik lekker "gesous" het, was ons in die lekker warm Klein Karoo Kombuis - 'n plekkie waar ons al voorheen tussen die deeg en die vuur gesit het, maar weliswaar toe nog met die eerste eienaar. Die Klein Karoo Kombuis is al sedert die begin van die winter vanjaar op 'n splinternuwe plek met 'n splinternuwe eienaar. 
Die wonderlike ding van roosterkoek is dat jy dit met groot sukses met omtrent enige vulsel denkbaar kan voorsit - kaas, eier, maalvleis, uie, tamatie, konfyt, koue vleis, kerrie-en-rys of as jy regtig 'n tradisionalis is, sommer net "plein" botter of Margarien. As jy nou regtig nie weet wat en hoeveel nie, loer jy sommer in by Delene en haar span by Klein Karoo Kombuis en bestel vir jou 'n goeie klompie voorraad vir die res van die dag of die naweek. Ons gee graag vir jou 'n lekker resep hoe om heerlike roosterkoek te maak, en dan deel ons ook Delene se kerrie-en-rys-resep met jou...

Read more …TRADISIE OM DIE KAMPVUUR

Jo Black het geen bekendstelling nodig nie. Die mooi man met die baard en die diép stem, het homself gevestig as nie net ‘n baie gewilde sanger nie, maar ook as ‘n motiveringspreker wat mense aan sy lippe laat hang.

Maar wat baie aanhangers nie weet nie, is dat Jo ook baie handig in die kombuis is. Verlede week het Jo ‘n vertoning by Hedgehog’s Nest gehad, maar vooraf het hy ‘n tydjie afgeknyp om, met Hedgehog’s Nest se Pieter Germishuys se kranige en kundige ondersteuning, vir Rustenburg Herald-lesers een van sy gunsteling geregte – pizza - op te dis.
Só, hier is die man met die stem wat jou ore soos louwarm heuning streel, se Jo Black “Special” – kompleet met régte heuning.

Benodighede:

Vir die pizzadeeg:
800 g wit broodmeel
200 g fyngemaalde semolina meel, of ekstra wit broodmeel
1 eetl gelykvol seesout
2x7 g sakkies droë gis
1 eetl goue strooisuiker
650 ml louwarm water

Read more …UIT DIE STERKE KOM DIE SOETE

Weens die groot belangstelling wat ons vir Sala en Rebecca se “seshabo” reeks vanaf ons lesers gekry het kon ons nie anders as om vir oulaas hierdie twee talente die geleentheid te gee om vir ons nog ‘n lekker resep vanuit hul kombuis te gee nie. En hierdie week maak hul ‘n resep wat net so lekker saam met “seshabo” gaan – smullekker vetkoek!

Die vetkoek benodig geen bekendstelling nie – dit is ‘n ou legende en nog een van Suid-Afrika se gunsteling disse. En die beste deel hiervan is die deeg vir vetkoekbak is so redelik beskikbaar dat indien jy nie die resep van nuuts af wil maak nie kan jy altyd jou naaste kruidenierswinkel besoek en ‘n vars sak daarvan koop.

Hierdie resep gaan baie goed gepaard met of ‘n kerriemaalvleis-vulsel of selfs met bietjie botter, kaas en konfyt. 

Read more …VETKOEK – VARS UIT DIE OLIE

 

In hierdie laaste kort reeksie kos-artikels kuier ons vir die volgende drie weke vir oulaas by dames van die Koster-tak van die Vrouelandbou-unie se Platinastreek. Dié reeks baie interessante en natuurlik “heerlike” kuiers is vir ons gereël deur Pam van Rensburg - toe nog voorsitter van die VLU se Platinastreek en nou President van die VLU in Noordwes. In die reeks het ons gekuier van Brits in die noorde tot Groot-Marico en Zeerust in die weste en in elke kombuis is ons gul ontvang en getrakteer op uithalergeregte, poedings, koeke, terte en tradisionele lekkernye soos net ons Suid-Afrikaanse vroue kan voorsit. Ja, ‘n man of trouens, enigiemand, wat daarvan hou om regtig lekker te eet sal moet mooi ding voor die tasse gepak word om na Australië of dergliks te verhuis soos so baie mense deesdae doen. Nêrens sal jy so lekker eet soos in ons wonderlike land nie - tog jammer dat daar dinge gebeur wat ons mense soms moedeloos maak.

In ons Kosterkuier van hierdie week, wys Nellie Prinsloo vir ons hoe om haar eie weergawe van die gewilde “Spurbroodjie” te maak. “Wanneer ‘n mens by dié gesinsrestaurant instap en na die slaaitafel stap, is daar benewens pragtige vars slaaie altyd ‘n varsgebakte broodjie wat al te lekker lyk. ‘n Mens kan jouself nie help om ‘n snytjie van hierdie broodjie in jou bordjie te skep nie. Daarom dat ek ‘n bietjie inisiatief gebruik het en my eie “Spurbroodjie” ontwikkel het”, vertel Nellie. Uiteraard het ons geproe en die bottertjies sommer dik gesmeer - ons stem saam - dit is ‘n watertandbroodjie - jy maak dit só:

Read more …VLU RECIPE: ‘N TUISGEBAKTE BROODJIE VIR JOU TAFEL

Nouja, Paasfees met die gepaardgaande Paas-langnaweek is op hande en mense ry tradisioneel na hul gunsteling-“wegkruipplekkies” en vakansieoorde om vir ‘n paar daggies vir oulaas ‘n bietjie te ontspan voordat die oorblywende gedeelte van die jaar met mening losbreek. Diegene wat minder gelukkig is om nie die “luuksheid” van ledigheid te hê nie, kry gewoonlik in hierdie tyd besoek van familie en vriende en lekker kuier om die etenstafel bly maar altyd een van ons gewildste aktiwiteite.
Hoe dit ook al sy, of jy weggaan of tuisbly, min mense sal die pad huis toe vat sonder om sommer ‘n paar goeie baksels Paasbolletjies in te pak. Regte, egte “hot cross buns” is deesdae met Paastyd by enige kruidenier op die rakke. As jy egter handig in die kombuis is en lus het vir onbeperkte hoeveelhede van hierdie “lekkergoed”, bak jy sommer jou eie – veral as daar baie mense in die huis is.
In die kombuis van ouma Susanna Izaks, ma van Mariana Paul wat verlede week vir ons tradisionele Meleisiese koeksisters gebak het, maak Susanna vandeesweek vir ons spesiale Paasfeestafel die heerlikste Paasbolletjies wat jy jou kan voorstel. Het jy geweet dat paasbolletjies tradisioneel saam met kerrievis voorgesit word? Dit is nou buiten die ander lekkernye soos heerlike vars botter, kaas en lekker konfyt. Maar besluit maar self hoe jy dit wil eet. Die belangrikste bestanddeel is die bolletjies en dít maak ouma Susanna soos volg:

Read more …PAASBOLLETJIES VIR DIE LANGNAWEEK
Page 1 of 3