Vra maar vir enigeen wat voorverlede week onder die bykans 100 000 besoekers by Nampo was, wat vir hom/haar die hoogtepunte was en jy sal vinnig hoor dat die reuse verskeidenheid kosstalletjies nogal hoog op die lys van gunstelinge was. Ja, dit is nogal opvallend hoe mense deesdae in Suid-Afrika al hoe meer neig na die "outydse" gunstelinge  - of dit nou kos, modes of motors is – die Engelse woord “retro” word deesdae dikwels ingespan om die styl van vervloeë dae te beskryf…

In Noordwes (Rustenburg) het Agri-Pulse onlangs die Klein Karoo Kombuis van Gerrit en Riana La Grange raakgeloop. Hier is die “ouwêreldse” roosterkoek in verskeie gedaantes die hoofgereg op die spyskaart. Ons het gaan aansit en was verbaas oor die allermins “beskeie” grootte asook die billikheid van die porsies en is uiteindelik met ‘n amper ‘n “sak vol” roosterkoeke daar weg.

Ons het vir Riana gevra of sy en haar span nie vir Agri-Pulse se “raak die ‘klits’ kwyt” wil “kook” nie en dit is presies wat ons vandag vir die lesers opdis… (Ons moet byvoeg dat Klein Karoo Kombuis se roosterkoekresep ‘n goed-bewaarde “geheim” is – Riana ken egter sommer ‘n rits roosterkoekresepte sommer so uit die vuis – hierdie een behoort groot byval te vind. Klein Karoo Kombuis maak

Shellé Hack is famous for being part of many a young couple’s special wedding occasion by hosting beautiful receptions in Klerksdorp. Her culinary skills are legendary. She is known for her Jewish dishes and loves working with yeast. She shares her recipe for Challah bread, a special bread usually braided and typically eaten on ceremonial occasions such as Shabbat and major Jewish holidays.

Omdat Paasfees om die draai is het ons dit goed gedink om die maand Paasbolletjies te maak met rosyne uit die Benede Oranjerivier streek. Hierdie Suid-Afrikaanse tafeldruifproduksiestreek, Benede Oranje,  is geleë ongeveer by 28° Suid en strek 450 km langs die Oranjerivier, van Groblershoop in die ooste tot by Klein Pella in die verre weste.
Hierdie streek is, behalwe vir veeboedery, ook bekend vir sy uitvoer tafeldruiwe, uitvoer rosyne, wyndruiwe, pekanneute, katoen en ander gewasse wat langs die vrugbare oewer van die Oranjerivier geplant word.

Só maak jy...

Bestanddele:
• 500 g koekmeel
• 10 g kitsgids (pakkie)
• 5 g sout
• 15 ml gemengde speserye
• 15 ml fyn kaneel
• 250 ml warm melk
• 100 ml (90 g) gesmelte botter

Agri-Pulse-Vryburg – Wat eet ons vanaand?
Dit is `n algemene vraag en met die laaste skoolkwartaal van die jaar wat so te sê verby is, sien almal uit na `n blaaskansie.

Agri-Pulse sluit 2019 af met `n kuier by Riana Swanepoel van Kameelboom Lodge & Padstal buite Vryburg.
Riana, met behulp van die Lodge se handige sjef, Dyson Bato wys vir ons hoe om in `n japtrap `n heerlike Roosterkoek-burger aanmekaar te slaan. Met die somer wat behoorlik sy intrek kom neem het wil mens nie heeldag voor die warm stoof staan nie en is die dis ideaal.
Riana vertel dat sy van kleins af lief was vir die kombuis.
Sy het gedurende skoolvakansies saam met haar ouma voor die stoof deurgebring en van pannekoek, vetkoek en soveel meer geleer.
Later in haar skoolloopbaan het sy by die Hotelhoudingklas aangesluit waar sy na hartelus kon bak en brou.
Riana is ook in dié omgewing bekend vir die heerlike Lasagnes en ander geregte wat sy op aanvraag maak.

Elsje Wilken is bekend as ‘n bakker van formaat in Klerksdorp en van haar gebak is by verskillende koffiewinkels en restaurante op die spyskaart. Sy bak onder die naam Delicious Delights en bak daagliks byna 20 koeke. Sy leef haar passie uit in bak en kosmaak. Hierdie kaaskoek is heerlik.

Framboos Kaaskoek

deur Elsje Wilken

A great idea for lunch boxes. Inge Wilken from Klerksdorp bakes these muffins regularly when she has over ripe bananas in the fruit basket. The muffins freeze well, just place cooled muffins in a freezer ziplock bag and use when needed

CHOCOLATE BANANA MUFFINS

By Inge Wilken

Ja, vir die tweede keer vanjaar sal sommige van ons lesers seker wonder oor ons hier by “Raak die ‘klits’ kwyt” se prioriteite omdat ons in hierdie tyd waarin baie mense na die “vergrype” van die kersreses nog op dieet is, koekresepte aan ons lesers opdis. Hierdie week deel ons ‘n absolute wenresep vir die immergewilde Rooifluweelkoek. Ons baas-bakster (inderdaad) is Catharina Lourens – wenner van die tweede plek in ‘n koekbakkompetisie in die Paul Bodensteinpark laat verlede jaar waarin prysgeld van R3 000 op die spel was. Ook maar goed Catharina het nie hierdie Rooifluweelkoek vir die kompetisie ingeskryf nie – anders was die gort dalk gaar. Nietemin – as jy ‘n romerige, wonderlekker koek vir enige geleentheid nodig het, hoef jy nie verder te soek nie – hierdie is ‘n wenresep in die ware sin van die woord. Catharina maak dit so: 

‘n Bakkompetisie waarin ‘n kontantprys van R3 000 vir die beste sjokoladekoek op die spel was, het kort voor “sluitingstyd” verlede jaar groot belangstelling onder Rustenburgers ontlok. Mense wat nou nog wonder wie die bakker was met die prysgeld weggestap het (en wat nie die betrokke uitgawe van Rustenburg Herald gesien het nie) – ontmoet gerus vir Annlerie Oosthuizen – oftewel Rustenburg se mees onlangse (en sekerlik jongste!) sjokoladekoekkampioen! Dit is duidelik dat Annlerie ‘n slag in die kombuis het. Sy het na skool ‘n sertifikaat en diploma by die Rustenburg Cooking Academy verwerf en daarna nog ‘n diploma in patisserie losgeslaan. Sy was in ‘n stadium deel van die span by Rustenburg se gewilde Melkstal maar het sedertdien by die Comminio Café by die NG Kerk Proteapark aangesluit. “Bak is nie regtig my eerste keuse nie, maar is beslis ‘n passie”, getuig Annlerie. Nouja, genoeg gepraat – Annlerie spring hier weg om vir ons te demonstreer hoe sy haar kampioen-sjokoladekoek gemaak het. 

Wat ‘n jaar – deesdae hoor mens dit van verskeie plekke en mense af. 2017 was beslis ‘n jaar wat baie van ons dalk nie 100% voorbereid was nie. Maar hoe berei jy jou voor vir dinge soos President Zuma se kabinetskommelry, die brandstofprys wat vinnig op pad R15 vir ‘n liter toe is en natuurlik die feit dat jy dalk nie miljoene met hierdie “Bitcoins” gaan maak nie (soos elke ou en sy ouma wat gekoop het toe die prys maar R14 000 was in die begin van die jaar).

Wel ons kan dalk nie vir jou sê hoe om voor te berei vir 2018 nie maar wat ons wel kan doen is om vir jou te vertel hoe jy 2017 op ‘n hoë noot kan afsluit: met ‘n besonderse koek – soet en lekker!

Ja hierdie week het Hedgehog’s Nest se Pieter Germishuys, sy assistent Sarel Cilliers en die beeldskone Mev Rustenburg 2017, Chantel Krause, ‘n smullekker kaaskoek met ‘n baie besonderse kroon vir die Rustenburg Herald voorberei (moet my net nie vra hoe om daardie deegpoffertjie-toring se naam uit te spreek nie asseblief).

Daardie toring is ‘n “Croquembouche” - 'n toring van choux-deegpoffertjies met karamel drade wat om dit gedraai word. Dit is die perfekte resep om jou familie hierdie kersseisoen te beïndruk. So waarvoor wag jy – gaan bak vir jou ‘n laaste koek vir 2017!

Ja, dit is “laat” in November, die vakansieplanne is reeds gemaak en mense sien uit na kuiers op die plaas, in die lapa, by die swembad, in die TV-kamer of waar julle ookal saam vakansie hou. Hierdie jaar was ‘n moeilike een en daar gaan “groot” gekuier word. Maar ja, ons weet - ‘n paar jong getroue en voornemende (getroude) dames is lankal reeds aan die sweet, omdat skoonma (of aanstaande skoonma) dalk kom kuier en hoe gemaak as jy jou aanstaande (of bestaande) skoonma werklik wil beïndruk sodat sy met haar jarelange kennis jou dalk in dié kuierseisoen so ‘n bietjie in die kombuis uithelp?

Gelukkig is sekere van ons hier by Rustenburg Herald se “Raak die klits kwyt” al so “lank” getroud dat ons nie eintlik meer omgee wat presies die skoonma dink of nie dink nie. Maar heng, as ek my skoonma nou regtig wou beïndruk, sou ek sonder enige twyfel Verona Loots se Blitz torte (‘n koek ja...) vir haar gebak het. Probleem is net, na dié gebak en proe mag skoonma dalk besluit om haar kuiertjie by boeta en sy oulike vroutjie ‘n bietjie te verleng... Goed - alle grappies op ‘n stokkie - hierdie is loshande een van die lekkerste koeke wat ons in ‘n baie lang tyd geëet het - daarom waarsku ons by voorbaat - sorg dat die kinders uit die huis is en die kaste toegesluit is. En terwyl jy dan nou die moeite doen om te bak - bak sommer twee!

Dis skoolvakansie, kolleges en universiteite is gesluit en by baie huise is daar die afgelope dag of wat sommer heelwat meer rumoerigheid as gewoonlik – ja, die studente is tuis en natuurlik – hulle is altyd honger! Vir diegene wat in dieselfde liga as ek is en vir wie die eerste vraag altyd is: “Nou waarmee gaan ek hom dié naweek voer?” (as ons hoor dat die kinders huis toe kom) is daar gelukkig ‘n hele paar planne. In die winter, wat binnekort weer op hande is, is dit natuurlik ‘n groter probleem want in die koue maande werk die enjintjies in die magies mos maar altyd ‘n bietjie harder om die lyf aan die gang te hou.
Nouja, dankie tog vir die mikrogolf-era wat darem intussen al wêreldwyd n algemene verskynsel geword het. Tradisionele happies en lekkernye soos pasteie, tert, beskuit en selfs koek wat deesdae al hoe smaakliker uit die mikro kom, is nie nou meer ‘n rare verskynsel soos vroeërjare nie. Jy sal nie maklik ‘n lekkerder sjokoladekoek as dié blitsvinnige een van Helena Gouws in die mikrogolf kry nie. Helena se “eenvoudige” Mikrogolf-sjokoladekoek neem slegs sowat 7 minute in die mikro en is super-lekker! Helena maak dit so:

Nouja, vandeesweek is ons weer terug op ons buurdorp - Brits - waar ons so ‘n klompie weke gelede sommer vir ‘n hele dag by die Brits-tak van die Vrouelandbou-unie gaan besoek aflê het om te kyk waarmee die vroue hier hul potjies aan die kook hou. En ja, voorwaar - die Britsdames ken hul kos en kook (of bak) hoor! Nee kyk, een ding bly nou maar seker - Suid-Afrikaanse vroue maak die lekkerste kos in die wêreld - ek is maar baie bly ons woon hier aan die suidpunt van Afrika!

Nou met kersfees nie meer vreeslik ver nie, wys ons hierdie week vir ons mense hoe om ‘n lekker vrugtekoek te bak. Ag ja, ek kan amper hoor hoe sug ‘n klompie nou al weer “ek kan net nie koek bak nie - wat nog te sê van vrugtekoek”. Dié het ons al baie gehoor en ja dams, Dora Verryne van Brits gaan vir julle ‘n resep wys wat regtig nie so moeilik (of duur) is nie - watter vrou met ‘n groot gesin of familiesal nie daarvan hou om met haar eie vrugtekoek te spog nie. As ‘n mens eers ‘n vrugtekoek gebak het, is ‘n mens net so ‘n tikkie nader aan daardie “volledige” vrou in die kombuis.

Die lekker ding van vrugtekoek is natuurlik - dit hou baie lank en word trouens, al hoe lekkerder as dit ‘n bietjie staan... En tweedens, kinders en die mense met die vreeslike soettande hou mos nie eintlik van vrugtekoek nie - so daar is meer vir die grootmense - of dan nou die mense wat ‘n “acquired taste” soos die Engelse sê - aangeleer het...

Dora noem haar vrugtekoek baie gepas “Vrugekoek sonder sukkel” en dit is absoluut heerlik...

Ons begin deur te sê Dora bak haar koek in ‘n 23cm deursneë vlekvrye kastrol met die deksel op. Voer uit met ‘n dubbellaag waspapier of bakpapier - maak seker dat jy dit deeglik met Spray ‘n Cook spuit...