Ja, dit is “laat” in November, die vakansieplanne is reeds gemaak en mense sien uit na kuiers op die plaas, in die lapa, by die swembad, in die TV-kamer of waar julle ookal saam vakansie hou. Hierdie jaar was ‘n moeilike een en daar gaan “groot” gekuier word. Maar ja, ons weet - ‘n paar jong getroue en voornemende (getroude) dames is lankal reeds aan die sweet, omdat skoonma (of aanstaande skoonma) dalk kom kuier en hoe gemaak as jy jou aanstaande (of bestaande) skoonma werklik wil beïndruk sodat sy met haar jarelange kennis jou dalk in dié kuierseisoen so ‘n bietjie in die kombuis uithelp?

Gelukkig is sekere van ons hier by Rustenburg Herald se “Raak die klits kwyt” al so “lank” getroud dat ons nie eintlik meer omgee wat presies die skoonma dink of nie dink nie. Maar heng, as ek my skoonma nou regtig wou beïndruk, sou ek sonder enige twyfel Verona Loots se Blitz torte (‘n koek ja...) vir haar gebak het. Probleem is net, na dié gebak en proe mag skoonma dalk besluit om haar kuiertjie by boeta en sy oulike vroutjie ‘n bietjie te verleng... Goed - alle grappies op ‘n stokkie - hierdie is loshande een van die lekkerste koeke wat ons in ‘n baie lang tyd geëet het - daarom waarsku ons by voorbaat - sorg dat die kinders uit die huis is en die kaste toegesluit is. En terwyl jy dan nou die moeite doen om te bak - bak sommer twee!

Dis skoolvakansie, kolleges en universiteite is gesluit en by baie huise is daar die afgelope dag of wat sommer heelwat meer rumoerigheid as gewoonlik – ja, die studente is tuis en natuurlik – hulle is altyd honger! Vir diegene wat in dieselfde liga as ek is en vir wie die eerste vraag altyd is: “Nou waarmee gaan ek hom dié naweek voer?” (as ons hoor dat die kinders huis toe kom) is daar gelukkig ‘n hele paar planne. In die winter, wat binnekort weer op hande is, is dit natuurlik ‘n groter probleem want in die koue maande werk die enjintjies in die magies mos maar altyd ‘n bietjie harder om die lyf aan die gang te hou.
Nouja, dankie tog vir die mikrogolf-era wat darem intussen al wêreldwyd n algemene verskynsel geword het. Tradisionele happies en lekkernye soos pasteie, tert, beskuit en selfs koek wat deesdae al hoe smaakliker uit die mikro kom, is nie nou meer ‘n rare verskynsel soos vroeërjare nie. Jy sal nie maklik ‘n lekkerder sjokoladekoek as dié blitsvinnige een van Helena Gouws in die mikrogolf kry nie. Helena se “eenvoudige” Mikrogolf-sjokoladekoek neem slegs sowat 7 minute in die mikro en is super-lekker! Helena maak dit so:

Nouja, vandeesweek is ons weer terug op ons buurdorp - Brits - waar ons so ‘n klompie weke gelede sommer vir ‘n hele dag by die Brits-tak van die Vrouelandbou-unie gaan besoek aflê het om te kyk waarmee die vroue hier hul potjies aan die kook hou. En ja, voorwaar - die Britsdames ken hul kos en kook (of bak) hoor! Nee kyk, een ding bly nou maar seker - Suid-Afrikaanse vroue maak die lekkerste kos in die wêreld - ek is maar baie bly ons woon hier aan die suidpunt van Afrika!

Nou met kersfees nie meer vreeslik ver nie, wys ons hierdie week vir ons mense hoe om ‘n lekker vrugtekoek te bak. Ag ja, ek kan amper hoor hoe sug ‘n klompie nou al weer “ek kan net nie koek bak nie - wat nog te sê van vrugtekoek”. Dié het ons al baie gehoor en ja dams, Dora Verryne van Brits gaan vir julle ‘n resep wys wat regtig nie so moeilik (of duur) is nie - watter vrou met ‘n groot gesin of familiesal nie daarvan hou om met haar eie vrugtekoek te spog nie. As ‘n mens eers ‘n vrugtekoek gebak het, is ‘n mens net so ‘n tikkie nader aan daardie “volledige” vrou in die kombuis.

Die lekker ding van vrugtekoek is natuurlik - dit hou baie lank en word trouens, al hoe lekkerder as dit ‘n bietjie staan... En tweedens, kinders en die mense met die vreeslike soettande hou mos nie eintlik van vrugtekoek nie - so daar is meer vir die grootmense - of dan nou die mense wat ‘n “acquired taste” soos die Engelse sê - aangeleer het...

Dora noem haar vrugtekoek baie gepas “Vrugekoek sonder sukkel” en dit is absoluut heerlik...

Ons begin deur te sê Dora bak haar koek in ‘n 23cm deursneë vlekvrye kastrol met die deksel op. Voer uit met ‘n dubbellaag waspapier of bakpapier - maak seker dat jy dit deeglik met Spray ‘n Cook spuit...

En daar het ons dit - hierdie week groet ons vir oulaas ons dames van die Vrouelandbou-unie se Koster-tak by wie ons die afgelope vier weke al te lekker gekuier het. Dit is darem maar lekker om as gas aan te sit by die tafel van ‘n vrou van haar slag in die kombuis ken... En ja, dit is nie net absoluut heerlik nie, maar ook verbasend inspirerend. Ek het seker nog nooit by “wenkombuis” uitgestap sonder om te wens of te “besluit” dat ek of my geliefde ook eendag so ‘n uithalerkok gaan of wil wees nie. Maar ons Rustenburgse vroue moet onthou - ons “Raak die ‘klits” kwyt”-reeks is gewis nie net vir voorslagvroue en baaskokke nie. Nee, ons stel ook baie belangrik in daardie eenvoudige resep, doodeenvoudige bordjie lekker en bekostigbare kos en daardie gunsteling-lekkerny waarmee jy nou al jare jou gesin en vriendegroepie gelukkig hou. 
Benewens al die “marketing hype” en groot “adoe” soos die Engelse sê waarmee daar oor wenresepte gepraat word, besef ons maar al te deeglik dat van die beste resepte in ons land waarskynlik uit klein en beskeie kombuisies kom met kwalik vier mense wat rondom tafeltjies met dalk minder as drie of vier hoeke aansit... So nee mevrou of juffrou, jy het niks om oor skaam te wees nie - enige vrou wat haar man in die kombuis kan staan en haar gesin ten spyte van ‘n beperkte begroting gesond en lekker laat eet, verdien ‘n goue medalje - in hierdie rubriek lig ons ons hoedjies sommer hoog vir ons uithalervroue - uit watter vlak van die samelewering sy ook al kom! 
En so lui ons hierdie week ons “kook” in vir ‘n resep wat per slot van sake net mooi niks met “kos” te doen het nie. Nee, hierdie week is weer een vir die lekkerbekke met respekte gesê en as ‘n sjokoladekoek nog altyd hoog op jou prioriteitslys was, moet jy maar solank die skêrlaai ooptrek. Maar hierdie is nie sommer net ‘n skokoladekoek nie - nee, ons maak Marina van der Westhuizen van Koster se Sjokolade-karamelrol en dis behoorlik ‘n bekvol!

In die heel laaste “Raak die ‘klits” kwyt” artikel in ons uiters suksesvolle reeks met dames van die Vrouelandbou-unie in die Platina-streek, kuier ons vandeesweek vir oulaas by Doret Zietsman - dogter van die bekende Francis Liebel van die Jubenette-tak. Dié baie interessante en heerlike reeks VLU-kuiers is vir ons gereël deur Pam van Rensburg, voormalige voorsitter van die VLU se Platinastreek en tans President van die VLU in Noordwes. Rustenburg Herald is baie dank verskuldig aan Pam en al die VLU-dames by wie ons die afgelope nagenoeg 24 maande gekuier het. Dit was vir ons ‘n baie leersame reeks en baie lesers het deurentyd laat weet dat dit groot aanklank gevind het. Nodeloos om te sê - was die weeklikse kosmaaksessies vir ons werklik aangenaam. ‘n Ou vriend het altyd na ‘n lekker braai of etery gesê - “ja, ons gaan al weer soos “dik” vriende uitmekaar...” 
Baie gepas sluit ons vandeesweek hierdie reeks af met iets wat sekerlik uitstekend sal dien as nagereg - vir die wat dit saam met ‘n koppie koffie, tee of koeldranklie wil geniet - dit is sommer net ‘n heerlike (maar nie doodgewone nie) Wortel- en Piesangkoek.

In vandag se lewe hoor ‘n mens baie van paartjies wie se lewens van toeka se dae af saamgevleg en verweef is. Sommige het hul lewens saam as ‘n paartjie in die stuurkajuit van ‘n passasierstraler begin, ander weer in die hospitaal se operasieteater of wie weet, in ‘n “liefdesverhouding” op die verhoog of silwerdoek. Vir hierdie jongste “kook” van ons, het ons ingeloer by ‘n jong paartjie wat baie onlangs verloof geraak het en as’t ware ‘n “vuurwarm-verhouding” het - Mari Kroese en Shalom de Beer het mekaar in die kombuis ontmoet en jare daarna het hul onderskeie lewenspaaie weer gekruis. As voormalige leerlinge van die Hoërskool Grenswag was die twee aanvanklik saam by die skool se restaurantbestuur betrokke en beide het beplan om in die hotelwese te gaan studeer - maar die lewe het anders verloop...

Maar ja, in hierdie rubriek is ons eintlik veronderstel om oor resepte en maaltye te praat en nie oor liefdes en verhoudings nie - maar hulle sê mos “everyone loves a love story...” Goed - terug na die kombuis... Op hul sus en aanstaande swaer se ewe baie onlangse troudag, (Bennitt Bartl van Rustenburg Herald en sy jong bruid Heilet van Steyn Prokureurs in Rustenburg) was die man wat die troukoek gebak het niemand anders nie as Shalom de Beer. Mari vertel dat die twee se liefde vir kosmaak nie net albei se passie is nie, maar uiteraard ook die vernaamste rede vir die begin van hul verhouding.

Op 14 Februarie vanjaar het Mari en Shalom verloof geraak en die groot dag is 13 Desember vanjaar wanneer die twee die knoop finaal gaan deurhaak. Dit is seker net gepas dat die twee voor die groot dag later vanjaar virf ons ‘n koek bak? Die keuse het geval op “ons vinnige laagkoek”. As daar dus vandag nog paartjies is wat ‘n bietjie meer sekerheid wil hê of hulle bymekaar pas of minstens dan in die kombuis met mekaar oor die weg kan kom, probeer om hierdie koek saam te bak - dis blyk ‘n eenvoudige toets te wees wat die meeste mense met vlieënde vaandels behoort te slaag. Indien nie, wel, miskien moet julle dan maar probeer om ‘n sak sout saam op te eet...

Kyk, ‘n vreemde ding gebeur mos hier van die begin van Desember af elke jaar: Baie mense – oud en jonk – ondergaan dan ‘n metamorfose en verander in ruspes wat deurentyd iets te ete wil hê. Dis ook tog tradisioneel kuiertyd – en gaste kan onverwags op jou drumpel beland. Moenie jou hare uit jou kop uit trek nie! Letitia Cronje, een van die Rustenburg Herald se ontvangspersoneel, het nét die ding om kinders, grootmense en besoekers mee te bederf. Sy maak haar verleidelike sjokoladekoek só:

Bestanddele:

4 Eiers, geskei
1l Suiker
Klits eiergele en suiker tot lig
½ k lou Water
1t Kitskoffiepoeier

Haai, is dit nie ongelooflik hoe vinnig die tyd verbysnel nie? Ons het almal nou die dag nog om die Kersboompies gesit en sing, daarna was dit tyd vir Nuwejaarsvreugde en daar sluit die skole vir die einde van die eerste kwartaal alweer! Nouja, vir die kinders en die klompie grootmense en oumense wat so gelukkig is om saam vakansie te hou, is dit sekerlik ‘n groot lekkerte!
Dit voel tog of daar deesdae nie meer so baie mense is wat die voorreg het om vakansietye saam met hul kroos ledig te wees nie. Geniet dit solank dit hou…

Maar, ja, dit is mos meer as genoeg rede vir ‘n “celebration” soos die Engelse sê en wat ‘n beter manier om sommer vir komende naweek ‘n lekker koek te bak sodat die jongklomp en die mense met die soettande die vakansie op ‘n hoë noot kan begin – ook natuurlik om vir die gelukkige mense by die huis te laat besef dat hierdie lekker goed uit “ma se hande” kom en dat sy inderdaad opreg waardeer moet word.

Vandeesweek se ontmoeting vir ons weeklikse “Raak die klits kwyt”, is met Toané Swart – Rustenburg Herald se Mej Skou. Toané maak hierdie ryk en lekker koek so:

As ek reg onthou was daar ‘n tyd toe die bekende sjokoladekoek ongetwyfeld die koning van koeke was, maar in die laaste paar jaar is wortelkoek net so gewild en beslis kort op sy hakke!  Moenie ‘n fout maak nie jong, ‘n lekker sjokoladekoek bly maar ‘n wonderlike ding en ja, om die waarheid te sê, ek self het ‘n groot soettand en kan nie sommer nee se vir sjokeladekoek nie, maar as ek moet kies bly wortelkoek die bo-baas wenner! Mens het eintlik net een happie nodig om agter te kom hoekom wortelkoek ‘n wenner is. Die kombinasie van die verskillende bestanddele saam met die lagie versiersuiker en ja - veral die neute wat baie bakkers/baksters lief is om bo-op te strooi, maak wortelkoek sekerlik vandag een van die lekkerste koeke wat daar is.  Rustenburg Herald se kookspan het die voorreg gehad om die week saam met Maxine Deanne te kuier. Maxine deel haar resep met ons waar jy met net ‘n paar bestandele binne ‘n uur hierdie heerlike wortel-ringkoek aanmekaar kan slaan.

If fine dining, excellent cuisine or an enjoyable evening or day out in the company of South Africa's leaders in the music industry, is your thing, Rustenburg patrons know by now that Hedgehogs Nest is a popular venue and ideally poised to offer all of these. But apart from great food, great dancing and enjoying the beat, did you realise that Pieter Germishuys Executive Chef at Hedgehogs Nest Function and Wedding Venue is also the Principal of the Hedgehog's Nest Culinary Institute (HCI) where prospective chefs are trained in the fine art of fine dining.

Rustenburg Herald's cooking team has spent time with Pieter and his team and Hedgehog's Nest before and is well aware of the fact that the HCI offers a superb course and recognised examinations and qualifications in the food industry. It is without the slightest doubt that we can attest to the fact that Pieter Germishuys really knows his way around any kitchen and that students trained at the HCI will be well prepared for the industry in or at any institution. But for the sake of our regular cooking page, let's rather share an excellent recipe with you - a New York Style baked cheesecake which Pieter and his students have prepared for us with of course, a fine starter and an even greater main course...

New York style baked cheesecake: Takes 90 minutes plus 2 hours cooling and chilling - Serves 12...

Ja, ons weet - as jy nou regtig nie weet hoe om 'n heerlike maar "vrolike" sjokoladekoek in die kombuis op te tower nie, is daar altyd die eenvoudige resepteboek. Ons is egter nie so seker of jou resepteboek vir 'n regte dogtertjie- of seuntjie-koek voorsiening maak waarop jy jou kinders of kleinkinders of dalk vir kleinboet of sus op sy/haar verjaarsdag kan trakteer nie. Die beste van alles is dit hierdie sjokoladekoek jou skaars 15 minute sal neem om aanmekaar te slaan en boeta gaan voorwaar sommer die hele naweek met 'n breë glimlag op sy gesig rondloop.

Soos ons onlangs aangekondig het, Rustenburg Herald se "Raak die 'klits' kwyt" het ons laaste kuiertjie vir vanjaar met die 10 finaliste in van die Mev Rustenburg 2018-kompetisie met hierdie soettand-bederf afgesluit. Selicia Richter, Jessica Brits en Marelize van Jaarsveld is die dames met wie ons vandeesweek in die kombuis baljaar. Ons lesers het onlangs ook met Marelize se vinnige en heerlike kerriehoendersop kennis gemaak. Vandeesweek se lekker vinnige sjokoladebederf is die skepping van Selicia en Jessica… 

Ai, en daar is die skoolvakansie weer iets van die verlede... Maar ja, 'n mens kan seker nie altyd op die louere rus nie. In die winter bly dit tog maar lekker om so 'n rapsie later onder die komberse te lê. Nog 'n ding wat natuurlik goed werk in die koue maande, is 'n lekker eetdingetjie. So, hierdie week, 'n baie "vreemde" verskynsel. Al gehoor van 'n "koek in 'n koppie"? Of as ons dan nou beter moet verduidelik - 'n kleinerige, eenman-koek wat jy sommer in 'n japtrap in die mikrogolf bak? Ons pleit sommer byvoorbaat skuldig, ja, ons het ons inderdaad die afgelope klompie weke aan "soetvergrype" skuldig gemaak. Ons sal in die wekies wat kom op 'n meer regverdige basis voorsiening maak vir mense wat "gewone" of meer gebalanseerde diëte en maaltye verkies. Maar kom ons spring weg met vandeesweek se lekkerny.

Manus Boonzaaier (ja 'n bekende "voormalige" Rustenburger), is vandeesweek ons gasheer. Manus sê die "koppiekoek" (eintlik 'n beker) - is maklik om te maak en sommer baie vinnig. So, as jou soettand ewe skielik in die nag begin "pyn" of pla, spring jy vinnig op en slaan die lekkerny aan...

Koek in 'n beker...